Молитва священномученику Кипріяну.

Молитва священномученику Кипріяну.
Господи, Боже, великій, всесвятый сый и препрославленный, Царь царствующимъ и Господь господствующимъ. Слава ти сѣдѣвшему во свѣтѣ безсмертномъ, егоже никтоже видѣ, ниже видѣти можетъ; иже тысящами тысящъ и тьмы тьмами святыхъ ангелъ и архангелъ: 1. Михаилъ, 2. Гавріилъ, 3. Рафаилъ, 4. Уріилъ, 5. Семфіилъ1), 6. Рагудіилъ, 7. Варахіилъ — предстоятъ предъ тобою. Ты вѣси рабу твоему (имя рекъ), яко не познавшю ми тебе, истиннаго Бога, первѣе сіе дерзахъ: блудъ творяхъ съ тмочисленными женами и во образъ человѣкомъ, и спроста рещи — всякое чародѣйство дѣлахъ, и лукавы бѣси мнѣ работаху. Нынѣ убо, Господи сильный и великій, благоволивый отъ недостойнаго достойному быти, и сотвори мя причастника быти священному ти стаду, и преестественнымъ величествомъ милосердвовавый о мнѣ, рабѣ твоемъ (имя рекъ), не восхотѣ погубити мя со беззаконіи моими, знаема мя сотвори святѣй твоей непорочной вѣрѣ, не отверзи мя, грѣшнаго и недостойнаго раба своего (имя рекъ), припадающаго; Отче всесильный, Михаилъ архангелъ, иже ко Владыцѣ благоразумнѣ, яко слуго вѣрный сохраняя, архангельскимъ и мысленнымъ старѣйшинствовати учиненъ бывъ отъ Вседержителя и, видѣвъ отступника падша, собравъ архангельскія лики, и рече: вонмемъ добре предъ сотворшимъ ны. Спасенію же нашему сопротивникъ и ратникъ, разгордѣвъ на Зиждителя и не сумнѣвся, рекъ: престолъ мой на облацѣхъ поставлю и Вышнему подобенъ буду. И тако похвалихся, архангельскія испаде власти, яко же рече Господь: видѣхъ Сатану, яко молнію, съ небесе спадша; данный же ему чинъ такожде съ нимъ низпаде, и, презорствовавъ, пострада.
1. Архангелъ Михаилъ есть побѣдитель супостатомъ, топчющъ Люцыпера, лѣвицею держащь вѣтвь финичю зеленую, десницею же копіе, имуще верху своемъ хоруговь бѣлую, отъ копій конецъ обвивающуюся, а на ней червленый крестъ истканъ.

2. Гавріилъ — вѣстникъ Божіихъ таинъ, держащь десницею фонарь съ возженною внутрь свѣщею, въ шуйцѣ же зерцало каменно, аспида зелена, червленности нѣчто2) мѣстами въ себѣ имущу.
53
3. Рафаилъ — врачъ недугомъ, шуйцею, мало поднесенною, держащъ алавастръ врачеванія, десницего водящъ Товію отрока, носящаго рыбу, въ Тигрѣ ятую.
4. Уріилъ — сіянія сый, огня Божественнаго, просвѣтитель есть потемненныхъ, держащъ десницею мечъ обнаженный противу персей въ шуйцѣ, же низпущенной — пламень огненный.
5. Сеалфіилъ — молитель, моляй Бога выну о человѣцѣхъ и человѣка къ молитвѣ возбуждаяй; лице и очи долу низпущени имѣяй, руцѣ же къ персямъ согбени, по подобію молящагося умиленне.
6. Рагудіилъ — славитель Бога, иматъ служеніе утверждати человѣкъ, труждающихся любо славы ради Божія и ходатайствомъ воздаяніе; въ десницѣ имущъ вѣнецъ златъ, въ шуйцѣ же бичъ, отъ трехь перловъ черныхъ, сь треми концы.
7. Варахіилъ — благословенія Божія податель и божіихъ благодѣяній намъ ходатай, носящъ въ нѣдрахъ одежды своея цвѣты розъ бѣлыхъ.
И еже зрятъ у дверей Господнихъ, и держатъ скипетры въ рукахъ, еже хранятъ ложе Господне и дивятся множество ангелъ и архангелъ, и рекутъ; проклените Сатану и діявола, да не прикоснется ко мнѣ, рабу Божію (имя рекъ), ни въ день, ни въ нощь, ни на пути, ни на семъ же мѣстѣ, — но соблюди, Господи, Исусе Христе, Сыне Божій, молитвами всегда, нынѣ и присно, и во вѣки вѣкомъ. Амінь. (189).

Сноски к стр. 52
1 ) Ниже — Сеалфіилъ, правильнѣе — Салафіилъ.
2 ) Въ подлинникѣ — но что.